Klubi “Drita” ndan Çmimet letrarë për vitin 2011

Klubi “Drita” ndan Çmimet letrarë për vitin 2011

Klubi i shkrimtarëve shqiptarë në botë “Drita” dhe Revista letrare-kulturore “Pelegrin”, ndajnë Çmimet në Letërsi, në mjediset e Ambasadës Shqiptare në Athinë, më 17 dhjetor 2011, ora 18 e 30.
Morën pjesë, shkrimtarë, artistë e intelektualë shqiptarë me banim në Greqi, shkrimtarë e personalitete të kulturës greke, zëvendës Ambasadorja e Shqipërisë në Greqi znj. Enkelejda Mërkuri, atasheu kulturor, znj. Hega Pashko, përfaqësues të medias shqiptare me veprimtari në Athinë, etj. Mjedisi i Ambasadës, që nga porta e deri te salla ku zhvillohej veprimtaria, ishin afishuar portretet e shkrimtarëve, që mbanin emrat Çmimet e akorduar dhe simbolet e Klubit “Drita”.
Kryetari i Klubit të Shkrimtarëve Shqiptarë në Botë “Drita”, z. Nase Jani, paraqiti Fituesit:
Ky vit ka një të veçantë sepse, veç çmimeve tradicionalë “Kadmus” dhe “Ali Asllani”, Çmimet mbajnë emra të figurave të shquara të letërsisë, duke kujtuar dhe nderuar veprën e tyre letrare dhe njëherësh, fituesit e çmimeve janë më të motivuar. Çmimet e këtij viti jepen për libra të botuar, kryesisht, gjatë vitit 2010, veç Çmimit “Migjeni”, që jepet për talentet e reja, që vlerësohet nga botimet në Revistën “Pelegrin”. Çmimet janë dhënë sipas vlerësimit të Jurisë, duke përzgjedhur ndër dhjetëra libra, që janë botuar një vit më parë dhe dërguar pranë Klubit “Drita”.
Çmimi “Kadmus”: i jepet z. Myslim Maska-Athinë, për veprën e tij letrare. Jepet prej vitit 2005.

Çmimi “Liriku më i mirë i vitit”, që mban emrin e lirikut të shquar dhe diplomatit “Ali Asllani-(që, me propozim të Klubit “Drita”, u dekorua nga Presidenti i Republikës z. Bamir Topi me titullin “Nder i Kombit”, më 11. 11. 2011 nr. Dekreti 7157), do të jepet në një veprimtari të veçantë në qytetin e Vlorës, në bashkëpunim me Klubin e Shkrimtarëve “Petro Marko”. Ky çmim jepet prej gjashtë vjetësh, në bashkëpunim me Ambasadën shqiptare në Athinë.

Çmimi “Odisea Elitis”, që mban emrin e nobelistit grek, në këtë 100 vjetor të lindjes, i jepet poetit Kristos Tumanidhis-Athinë. Me këtë çmim, do të nderohen poetët dhe shkrimtarët e huaj, që janë pjesë ose miq të Klubit “Drita”.
Çmimi “Petro Marko”, i jepet z. Luan Toto-Vlorë, për romanin “Dielli lind në perëndim” (katër libra).
Çmimi “Jakov Xoxa” i jepet z. Thanas Mejdi-Athinë, për romanin “Hija e mallkuar”.
Çmimi “Faik Konica” i jepet z. Nuri Plaku-Fier, për librin “Kujtesa e humbur” (kritika e studime letrare).
Çmimi “Migjeni” (Për talentet e reja) i jepet znj. Stela Canga-Athinë, për ciklin poetik botuar te Revista “Pelegrin”-17.
Çmimi “Odise Grillo” i jepet z. Aleko Likaj-Bordo-Francë, për librin “Zemër trimi” (Legjenda dhe rrëfenja historike).
Çmimi “Dritëro Agolli” i jepet znj. Borina Voko-Athinë, për librin poetik “Dilemë njerëzore”.
Çmimi “Niko Nikolla” i jepet z. Hyskë Borobojka-Tiranë, për librin “Ti je i vogël, e dinë të mëdhenjtë” (Rrëfime-humor-satirë).
Çmimi “Ezopi” i jepet z. Pëllumb Velo-Vlorë, për librin me fabula “Kur merr zjarr e digjet pylli”.
Çmimi “Fan S. Noli” i jepet znj. Katerina Dhima për përkthimin e romanit “E vetmja rrugë” të shkrimtarit Azis Nesin.
Nderohet me “Diplomë Mirënjohjeje” Klubi i shkrimtarëve “Petro Marko”-Vlorë, “Për bashkëpunim të vazhdueshëm, me Klubin e Shkrimtarëve “Drita” në veprimtaritë letrare-kulturore, duke nxitur dhe promovuar krijimtarinë dhe jetën letrare.”
Çmimet jepen “Plaketë-gold” me portretin e shkrimtarit që mban emrin çmimi, të shoqëruar me Diplomë.


Zëdhënësi i Klubit të Shkrimtarëve “Drita”

17 dhjetor 2011

Presidenti i Shqipërisë, Prof. Dr. Bamir Topi priti një grup shkrimtarësh të Klubit “Drita”

Presidenti i Shqipërisë, Prof. Dr. Bamir Topi

priti një grup shkrimtarësh të Klubit “Drita”

Presidenti i Republikës, Prof. Dr. Bamir Topi, priti më 15 nëntor 2011, në zyrën e tij në Presidencë një grup shkrimtarësh nga Shqipëria, Greqia dhe Kosova, të cilët kryesoheshin nga Kryetari i Klubit të Shkrimtarëve Shqiptarë në Botë “Drita”, Nase Jani. Në grupin e shkrimtarëve bënin pjesë: Borina Voko-Athinë, Myrteza Mara-Vlorë, Xheladin Mjeku-Prishtinë, Pandeli Koçi-Tiranë.

Pasi falënderoi Presidentin Topi për mikpritjen e ngrohtë e miqësore, Kryetari i Klubit të Shkrimtarëve Shqiptarë “Drita”, i cili është krijuar në vitin 2000 në Athinë dhe numëron rreth 200 anëtarë në mbarë botën, Nase Jani, prezantoi shkurtimisht veprimtarinë e Klubit, që u krijua fillimisht si një kërkesë e kohës, për të qenë kurdoherë të bashkuar në promovimin e veprave letrare e artistike të shkrimtarëve shqiptarë, në lëvrimin dhe përtëritjen e vlerave kulturore, historike e shoqërore, me synimin për të ruajtur identitetin tipik gjuhësor e zakonor të shqiptarëve e për t’i trashëguar këto vlera të larta tek brezat e rinj.

Presidenti Topi, duke shprehur kënaqësinë e këtij takimi interesant e të rëndësishëm për promovimin e letërsisë shqipe kudo ku jetojnë bashkatdhetarët tanë, vuri në dukje në mënyrë të veçantë se “Veprat letrare, por dhe ato historike, që jo vetëm janë të shkruara bukur artistikisht, por pasqyrojnë me vërtetësi e paanshmëri tematikat që trajtojnë, i rezistojnë të gjitha kohërave e mbeten pjesë e arkivës së artë të shqiptarëve e Shqipërisë”. Kryetari i Shtetit shqiptar, pasi çmoi punën dhe përkushtimin e shkrimtarëve shqiptarë në botë, i siguroi ata për mbështetjen personale dhe institucionale në përmbushje të nismës së tyre fisnike për përhapjen e kulturës dhe letrave shqipe në të katër anët e globit.

Kryetari i Klubit “Drita”, njëherësh dhe themelues e drejtor i Revistës Letrare-Kulturore “Pelegrin”, organ i këtij klubi, i dhuroi Presidentit pesë numrat e fundit të kësaj reviste, gjithashtu në të ardhmen në Presidencë do të çelet stenda “Drita” me libra të shkrimtarëve të këtij Klubi.

(Sipas njoftimit të Presidencës)

Ali Asllani-Nder i Kombit

Ali Asllani-Nder i Kombit

“Veprimtarit të shquar të Lëvizjes Kombëtare për krijimin dhe ndërtimin e shtetit shqiptar, diplomatit patriot dhe poetit lirik që hyri në letërsinë shqipe si një ndër krijuesit e rrallë të poezisë”.

Presidenti i Republikës, Prof. Dr. Bamir Topi dekoroi , më 15 nëntor 2011, në një ceremoni të veçantë e solemne, një ndër diplomatët e funksionarët e parë të lartë të shtetit shqiptar, atdhetarin e poetin e shquar Ali Asllani (Pas vdekjes), me Urdhrin “Nderi i Kombit”.

Në ceremoninë e rastit të zhvilluar në mjediset e Presidencës, ku ishin të pranishëm familjarë, shkrimtarë, personalitete të artit dhe kulturës, pas ekzekutimit të himnit kombëtar të Republikës së Shqipërisë dhe leximit të dekretit, Presidenti Topi u dorëzoi familjarëve të zotit Ali Asllani urdhrin e lartë dhe dekretin, me motivacionin: “Veprimtarit të shquar të Lëvizjes Kombëtare për krijimin dhe ndërtimin e shtetit shqiptar, diplomatit patriot dhe poetit lirik që hyri në letërsinë shqipe si një ndër krijuesit e rrallë të poezisë”.

Pas marrjes së dekoratës, duke shprehur falënderimet për vlerësimin e lartë, nipi i tij, zoti Ardian Asllani u shpreh: “Ndihem shumë i emocionuar. Shpresoj se do të shprehja dëshirën tuaj, të të gjithëve juve, duke falënderuar Presidentin e Republikës, zotin Bamir Topi, për këtë nder që na bëhet, për këtë vlerësim që besoj se u takon të gjithëve ju, të gjithë kombit shqiptar, sigurisht edhe familjes! Për mua, edhe për të gjithë ne, sot është një ditë shumë e veçantë me vlerësimin e figurës së Ali Asllanit, megjithëse pas vdekjes, sepse ai gjithmonë kishte pritur për të marrë një vlerësim gjatë jetës, por edhe kjo, për ne sot është një vlerë. Të vlerësosh një figurë, sot është një vlerë për gjithë kombin. Unë do të doja një falënderim të veçantë t’i bëja institucionit të Klubit të Shkrimtarëve “Drita”, që ideuan, bashkë me zotin President, dhe menduan këtë lloj vlerësimi, si dhe Klubin “Petro Marko” dhe gjithë personalitetet e artit, që marrin pjesë në këtë ceremoni-nderi.

Gjithashtu, mirënjohje gjithmonë të thellë për organizatorët dhe për zotin President! Ju faleminderit!”

Kreu i Shtetit, theksoi: “Besoj që është dhe kënaqësia ime e veçantë që nderoj një figurë kaq të respektuar. Ju, i nderuar mik, thatë që ai kishte shpresuar në një nderim më të shpejtë. Në funksion të kohës, mund t’ju them që prania e kaq njerëzve këtu, e njerëzve të nderuar, përkushtimi i tyre për të realizuar një procedurë dhe për ta ndjekur atë deri në momentin e finalizimit, është dëshmi e një vlerësimi që i bëhet kësaj figure që sot është “Nderi i Kombit” në distancë kohore. Eksperienca ka treguar dhe vazhdon të tregojë që njeriu, sa është gjallë, sa është në detyrë, rrethohet nga miq të sinqertë, por rrethohet edhe nga servilë, rrethohet nga miq të vërtetë, por edhe nga miq ‘përfitues’. Dhe natyrisht me kalimin e kohës, ato figura, që i rezistojnë kohës dhe ato që nderohen edhe kur koha kalon me shumicë, rrethuar me kaq miq, me kaq përfaqësues të nderuar, të familjeve të nderuara, të Klubit “Drita”, që vepron prej vitesh në Greqi, patjetër është një vlerësim më se i merituar dhe një vlerësim me nota maksimale. Kjo figurë poliedrike, e cila na jep mundësinë që jo vetëm të krenohemi, por edhe të na motivojë për ta studiuar në të gjitha planet e veprimtarisë së tij, patjetër që është një kënaqësi e veçantë për cilindo, për një qytetar të thjeshtë, për një profesionist në një fushë të caktuar, për një shkrimtar, për një politikan dhe për një President. Kështu që sot, më lejoni që ta ndaj këtë vlerësim dhe këtë kënaqësi me njerëzit e familjes, me ata që e propozuan, me ata që e mbështetën. Dhe padyshim, Ali Asllani do të mbetet në jetë të jetëve një figurë e ndritur e kombit shqiptar!

Urimet më të mira dhe uroj që pasardhësit e kësaj familjeje të dinë ta çojnë pikërisht në ato nota që ai e ka mbajtur në kohë shumë të vështira! Urimet më të mira!”

Në emër të shkrimtarëve përshëndeti kryetari i Klubit “Drita”, z. Nase Jani

Një libër i ri për Dritëro Agollin

Një libër i ri për Dritëro Agollin

“Me Dritëronë”

-Një libër i ri i shkrimtarin Nase Jani, në 80-vjetorin e shkrimtarit të shquar të letërsisë shqipe.

“Të jesh bashkëkohës i një poeti dhe njeriu të madh si Dritëro Agolli, është fat për çdo shqiptar dhe krijues të vërtetë. Emri dhe vepra e Dritëroit, ka marrë përmasat e kombit, jo me inate e mashtrime, por me urtësi e dashuri për Shqipërinë dhe shqiptarët....” -thotë në hyrjen e librit, autori.

Libri mban brenda periudhën 1995-2010, nëpërmjet shënimeve nga ditarët, ëndrrave, poezive, ese-ve, letërkëmbimeve, publicistikës, që autori ua sjell lexuesve si një arkivë-kujtese për kohën dhe njerëzit.

Figura e Dritëroit është ikona e këtij libri, por aty lexuesi do të gjejë edhe ngjarje nga Shqipëria dhe bota, të cilat kanë lidhje me jetën e shqiptarëve, si dhe jeta e shqiptarëve në emigracion, me në qendër autorin e këtij libri.

Libri “Me Dritëronë”, me 432 faqe, ka mbi 600 emra njerëzish, të artit e të letërsisë shqiptare e botërore, por nuk mungojnë dhe njerëzit e thjeshtë, që kanë të drejtë të mendojnë, të punojnë, të gëzojnë e të jetojnë, siç u vjen jeta.

Nase Jani është autor i njëzetë librave: poezi, romane, tregime e novela, monografi etj. Është hartuesi i katër Antologjive-Letrare dhe, prej shtatë vjetësh, boton Revistën letrare-kulturore “Pelegrin”. Është nismëtar dhe i zgjedhur kryetar i Klubit të Shkrimtarëve Shqiptarë në Botë “Drita” (2000). Ky klub, me qendër në Athinë e shtrirje në gjithë kontinentet, ku ka shkrimtarë-shqiptarë, është dekoruar nga Presidenti i Republikës me “Medaljen e Mirënjohjes”. Vetë, Nase Jani është dekoruar me Urdhrin “Naim Frashëri i Artë”. Krijimtaria e tij letrare është nderuar brenda e jashtë vendit. Jeton familjarisht në Athinë.

Ky libër, në 80-vjetorin e Shkrimtarit Dritëro Agolli, është një grimcë e jetës dhe e veprës së tij të madhe.

Redaktori:

Aleko Likaj

Antonio Bellusci

11 vjet, Klubi “Drita”

11 vjet, Klubi i Shkrimtarëve “Drita”

2000-27 maj-2011

Është dekoruar nga Presidenti i Republikës së Shqipërisë z. Alfred Moisiu me “Medaljen e Mirënjohjes” me dekret Nr. 4581 dt. 30 maj 2005.

Te Klubi ynë “Drita” janë 167 anëtarë në Greqisë, Shqipëri, Kosovë, Maqedoni e Mal i Zi, si dhe në shumë shtete të Europës, SHBA, Kanada e Australi.

Revista “Pelegrin”, organ i Klubit “Drita”

është në vitin e gjashtë të botimit. Për lexuesit e kudondodhur doli nga shtypi numri 17 i saj.

Janë botuar pesë Antologji letrare, është duke u përgatitur

“Drita-Enciklopedi”.

Çdo vit organizohen konkurset:

“Kadmus”, “Ali Asllani” (Liriku më i mirë i vitit), “Pranvera letrare”(me krijues deri në moshën 25 vjeç), dhe Konkurse Jubilarë për figura të shquara të Kombit Shqiptar, si “Unë jam në shpirtin tuaj” (në 165 vjetorin e Poetit Kombëtar Naim Frashëri), etj.

Klubi “Drita” bashkëpunon me Shtëpinë Botuese “Toena”, Klubin e Shkrimtarëve “Petro Marko-Vlorë, klube, institucione dhe organe letrare, shkrimtarë dhe artistë, në Shqipëri, e në vende të ndryshme të botës.

Klubi “Drita” bashkon krijuesit shqiptarë, kudo që janë nëpër botë.

Doli nga shtypi “Pelegrin” 16 & 17

Doli nga shtypi “Pelegrin” 16 & 17

27 maj-11 vjet Klubi i Shkrimtarëve “Drita”

Ballorja nga Miradie Ramiqi

Do të lexoni: Në 300 faqe, 90 autorë...

POEZIA SHQIPE

-Dritëro Agolli, f. 5.

-Kristo Zharkalli: Dritëro Agolli, lisi me rrënjë të thella në tokën mëmë, f. 11

POEZI

-Evriviadhi Goro, f. 98. -Vangjush Ziko, f. 103 -Petraq Kote, f. 107 -Luan Xhuli, f. 111. -Lisiana Demiraj, f. 115 -Agim Pipa, f. 121. -Lulzim Lekdushi, f. 122 -Stela Canga, f. 164

-Vangjel Canga, f. 168 Ariana Loçe, f. 202. Viktor Hoxha, f. 206. Avdyl Pilafi, f. 209. Anila Toto, f. 210, Alma Basha f. 214. Silvana Bekri, f. 218. Albina Idrizi, f. 215. Ilirian Vasili, f. 217. , Thodhori Nikolla, f. 221.

POEZI MË VETE

-Uollt Uitman, f. 13. Robert Bërns, f. 23. Vexhi Buharaja, f. 54. Vullnet Mato, f. 74. Mitrush Kuteli, f. 76. Koço Vasili, f. 92. Ana Ahmatova, f. 94. Luis Aragon, f. 97. Avdyl Latif Arnaut, f. 102. Johan V. Gëte, f. 124. Safo, f. 131. Xhon Milton, f. 155. Zhyl Syperviel, f. 162. Zef Serembe, f. 167 . Andon Zako Çajupi, f. 180. Marin Soresku, f. 184. Kostaq Duka, f. 208. Mihail Lermontov, f. 213. Bardhyl Mezini, f. 226. Faslli Haliti, f. 249. Huan Ramon Himenes, f. 249.

PROZA SHQIPTARE:

-Myrteza Mara: Tregim: Sindroma e krimbit, f. 66 -Murat Aliaj: Koburja-tregim, f. 71

-Gani Baliu: Loja-tregim, f. 74 -Myslim Maska: Hëna, kasapi dhe unë-tregim, f. 77.

-Vladimir Rama: Pesha e dhunës-tregim, f. 79. -Algert Siqeca: Peshku-tregim, f. 85

-Alma Zekollari: Vetëm shpirti-tregim, f. 88 -Pandeli Koçi: Nafora-tregim, f. 93

-Eglantina Kume: Në pritje të emrit-tregim, f. 132. -Vullnet Mato: Dashuri brenda varrit-tregim, f. 159-Aleko Likaj: Nata e parë e martesës me shi-tregim, f, 174.

-Alush Kurti: Dora-tregim, f. 181. -Agron Solomoni: Një surprizë në Tel-Aviv, f. 185.

-Sotir Athanasiu: Se ka ca njerëz-Tregim, f. 188 -Thodhori Baba, Rruga “Gorki”f. 210. -Gaqo Veshi “Demka në parlament”, f. 225.

PRANVERA LETRARE

-Elis Sulaj-poezi,: f. 118-Loer Kume: Libri i zi-tregim, f, 137. -Ivana Dervishi, f. 171, Edona Beqiri, f. 173. Albert Perkolaj, f. 173. Neleda Basha, Marsela Hajdini, f. 173

LETËRSI BOTËRORE:

-Nobelisti i parë rus: Ivan Bunin, f. 14 -Buniini me Tolstoin, Çehovin, Gorkin, Majakovskin, f. 16 -Nobeli në letërsi, 2010: Mario Vargas Llosa, f. 24. -Historiku i Çmimit Nobel në letërsi, f. 26 -Allan Brismaster, poet kanadez, f. 27 -Jaroslav Hashek: Një tradhtar-kombi në Siotebor (Përktheu: Katerina Dhima), f. 38 -Kristos Tumanidhis, f. 41.

-Azis Nesin: Kujt i përket Tarzani? (Përktheu Katerina Dhima)., f. 54 -Janis Ricos-Poezi- Përkthyer nga Evriviadhi Goro. , f. 58. -Sofia Hilentzaris-Poezi, f. 196

Maram Al Marsi-Poezi. Perktheu Dashamir Malo, f. 221

ESE

-Roland Gjoza: Arratisja e Tolstoit, f. 17. -Azem Shkreli: Koha e mediokrëve, f. 35.

-Engjëll Telegrafi: Motra Tone e Kolë Idromenos, f. 82. -Fatime Kulli: Arben Duka, Lorka shqiptar i dhimbjes dhe i dashurisë, f. 95. Nuri Plaku “Piktura Etiane dhe filozofia e qenies”, f. 224.

MENDIMI I SHKRIMTARIT

Roland Gjoza: Kadareja dhe Qosja, përballë dhe kundër, f. 30 -Odhise Goro: Tumanidhis në krah të Janis Ricos, f. 51

BASHKËBISEDIM:

-Bujar Leskaj: KONVERGJENCA INTELEKTUALE e dr. Ibrahim Berisha, f. 139.

-Fatmir Terziu: Astrit Bishqemi mjeshtër i tregimit fantastiko-shkencor, f. 156

-Borina Voko me Sofia Hilentzaris, f. 198. –Rudina Xhunga me Alfonso Signorini, f. 233 -Borina Voko me këngëtarin grek Haris Akritidhis, f. 37

NDERIM:

-Naim Frashëri në 167 vjetorin e lindjes, f. 125. -Martin Camaj, f. 128. -Aleksandër Xhuvani në varrimin e Gjergj Fishtës, f. 127. -Eqerem Çabej & Mahir Domi, Norbert Jolkl, për Aleksandër Xhuvanin, f. 130 -Aleks Buda, themeluesi i Akademisë së Shkencave, f. 254 . Joti Prifti, f. 248. -Din Mehmeti. “Pse u bëra poet”-Ese, f. 256 -Pitkini, aq i njohur për shqiptarët, f. 261 -Liza Vorfi, f. 264 -Leka Kruta, f. 266. Elisabeth Teylor, f. 290. Pandi Raidhi, f. 294.

FOTOGRAFIA E NUMRIT: Ezra Pound te shtëpia e Jorgo Seferit, f. 87

SHKRIMTARI-LIBRTI-LEXUESI

-Raimonda Moisiu: Dy letra dashurie të Napoleon Bonopartit, f. 228.

-Seimen Gjokoli: Enciklopedi e Kurveleshit, f. 251. -Nuri Plaku: Hajku, puthja mbretërore e një poeti, f. 234. -Niko Sideris, me librin e ri “Fëmijët nuk duan psikolog, duan prindër!”, f. 254 -Xheladin Mjeku: Malli për Atdheun dhe dashuria si inspirim (Ardita Jatru), f. 258 -Robert Goro me libër të ri, f. 253. -Fjalë të mençura nga Gudar Hysni Toto, f. 264 Libra të rinj nga, Nuri Plaku, Simon Xanina, Shpëtim Kastrati, Skënder&Veledin Korkuti, f. 243

KULTURË

Jetë, kulturë, histori: Shtëpi muze e një lloji të veçantë, f. 244.

VEPRIMTARI

U festua 10-vjetori i Klubit “Drita”, f. 255. -Fotoreportazh: 10 vjet Klubi i Shkrimtarëve “Drita”, f. 268 -U shpallën fituesit e Çmimeve Letrarë, f. 271. -Urim, Klubit të Shkrimtarëve “Petro Marko”-Vlorë., f. 260 -Me libra të rinj në Filadelfja, f. 272. -Urim Shoqatës së Shkrimtarëve Shqiptaro-Amerikanë në 10-vjetorin e krijimit, f. 265 -Gëzim Llojdia: Promovohet libri “Deti pa ty” i autores Flora Meçaj, f. 266

-Libra të rinj nga: Vilhelme Vranari, Pëllumb Velo, Hysen Berisha, Kanan Canodemaj, (dukje kopertinash) f. 269 -Nase Jani: Fotoreportazh: 15 vjet Shoqata Lunxhëria, f. 281. -Nase Jani: Fotoreportazh: Respekt për jetën f. 286.

Konkurs - poezi per Naimin!!!

KLUBI I SHKRIMTARËVE SHQIPTARË NË BOTË “DRITA”

Athinë

KLUBI I SHKRIMTARËVE “PETRO MARKO”

Vlorë

K O N K U R S

Në jubileun e 165 vjetorit të lindjes së Poetit Kombëtar Naim Frashëri

(1846-25 maj-2011)

“Unë jam në shpirtin tuaj...”

Gjinia: POEZI

(Për Naimin)

Ftohen të marrin pjesë krijuesit shqiptarë të gjitha moshave dhe të kudondodhur.

Koha e dorëzimit: 25 mars-15 maj, 2011

Adresa elektronike:

thanasjani@gmail.com

myrtezamara@yahoo.com

Mund të dërgohen disa poezi,

por Juria do të bëjë vlerësimin e poezisë më të mirë.

Poezitë të mos jenë të botuara në libër apo organet letrare

deri në vitin 2010

Vlerësimet:

Çmimet do të jenë në tre shkallë,

Për talentet e reja do ketë vlerësime të veçanta.

Shpallja e fituesve do të bëhet në internet.

Stimujt do të ndahen në veprimtaritë që do të organizohen në kuadrin e këtij jubileu.

Poezitë që do të dërgohen për konkurs do të botohen edhe te

Revista letrare-kulturore “Pelegrin”

Kryetari i Klubit “Drita”

Nase Jani

Kryetari i Klubit “Petro Marko”

Myrteza Mara

22 mars 2011

URIM

KLUBI I SHKRIMTARËVE SHQIPTARË NË BOTË “DRITA”

Shoqatës së Shkrimtarëve Shqiptaro-Amerikanë

U R I M

I nderuar z. Adnan Mehmeti

I nderuar z. Dalan Luzaj

Të nderuar, miq-krijues!

Është gëzim i veçantë për ne, që të vijmë tek ju, me urime, nderime dhe respekt, për punën Tuaj dhjetë vjeçare!

Shoqata e Shkrimtarëve Shqiptaro-Amerikane, ka bashkuar mendimin e mençur krijues dhe vlerat kombëtare shqiptare, duke e integruar me qytetarinë dhe vlerat e shoqërisë ku jetoni. Gjithmonë emigracionit i janë dashur njerëzit e mençur dhe atdhetarë. Ju jeni vazhduesit e personaliteteve të shquara shqiptare, që emigruan në fillim të shekullit të XX e në vazhdim, dhe kontribuan për njohjen dhe emrin e mirë të Shqipërisë. Dhjetë vjet nuk janë pak për t’i dhënë emër të mirë vetes dhe shoqatës suaj.

Ju dini të bëni krijimtari të mirë. Dhe ne ju urojmë: vazhdoni të krijoni e të na sillni libra me vlera për kulturën shqiptare!

Ju dini të jeni Qytetarë me vlera. Ne ju urojmë: vazhdoni të rrisni vlerat tuaja qytetare dhe intelektuale!

Ju, dini të bëni punë të mira. Dhe ne ju urojmë: vazhdoni të bëni punë të mira për Kombin Shqiptar.

Të dashur miq! Klubi i Shkrimtarëve “Drita”, ka bashkëpunuar dhe do të vazhdojë të bashkëveprojë me ju, në të mirë të kulturës dhe të kombit shqiptar.

Ju urojmë gëzime e mbarësi, në punë, krijimtari dhe jetën tuaj familjare!

Për Klubin e Shkrimtarëve Shqiptarë në Botë “Drita”

Kryetari

Nase Jani

Sekretari i përgjithshëm

Robert Goro

Athinë, 23 mars 2011

Athinë, 23 mars 2011